Nagkaisang Inaprubahan ng Lupon ang Coronado Community Power
SAN DIEGO – Nagkaisang bumoto ang Lupon ng mga Direktor ng San Diego Community Power ngayon upang tanggapin ang Lungsod ng Coronado bilang ikawalong miyembro ng ahensya, na nagmamarka ng isang mahalagang yugto sa patuloy na paglago ng isa sa mga nangungunang tagapagbigay ng enerhiya na pinili ng komunidad sa bansa.
Kasunod ang hakbang ng Lupon sa desisyon ng Konseho Lungsod ng Coronado noong Hulyo na ituloy ang pagiging miyembro sa pagsisikap na mabigyan ang mga residente at negosyo ng alternatibong pinamamahalaan sa lokal kaysa sa serbisyo ng utility na pagmamay-ari ng mga mamumuhunan.
Pinili ng Konseho si Konsehal Kelly Purvis upang kumatawan sa Coronado sa Lupon ng mga Direktor ng Community Power at si Mayor Pro Tem Carrie Downey upang magsilbing Kahaliling Direktor.
“Ang pagiging miyembro ng Coronado ay sumasalamin sa lumalaking pangangailangan para sa mga lokal na pinamamahalaang pagpipilian sa enerhiya na nagbibigay-priyoridad sa abot-kayang presyo, pananagutan, and pamumuhunan sa komunidad,” sabi ni Terra Lawson-Remer, Tagapangulo ng Lupon ng mga Direktor ng San Diego Community Power at ng Lupon ng mga Superbisor ng San Diego County. “Bilang ikawalo naming ahensya ng miyembro, pinapalakas ng Coronado ang isang koalisyon ng mga komunidad na magkakasamang nagtatrabaho upang bumuo ng mas matatag, abot-kaya at napapanatiling kinabukasan sa enerhiya para sa rehiyon ng San Diego.”
Sa pagsali ng Coronado, ang Community Power ay nananatiling pangalawang pinakamalaking community choice aggregator sa Estados Unidos, na nag-aabot ng serbisyo sa halos 1 milyong account ng customer sa buong rehiyon. Kasalukuyang nagbibigay ang ahensya ng serbisyo sa pagbuo ng kuryente sa mga lungsod ng San Diego, Chula Vista, Encinitas, La Mesa, National City at Imperial Beach pati na rin sa mga hindi nasasakupang komunidad sa County ng San Diego.
“Tuwang-tuwang kaming dalhin ang mga opsyon at benepisyong hatid ng pagpili ng komunidad sa Coronado,” wika ni Downey. “Ipinagpasalamat namin ang suporta ng tauhan ng San Diego Community Power sa buong prosesong ito at inaasahan naming palakasin ang ugnayang iyon upang maihatid ang mas malinis na enerhiya, mapagkumpitensyang singil, at makabuluhang benepisyo para sa mga residente at negosyo.”
Ipinakita sa isang feasibility study na isinagawa ng Community Power na ang humigit-kumulang 12,000 account ng customer ng Coronado ay magdadagdag ng humigit-kumulang 1% sa kabuuang taunang load ng enerhiya at walang magiging epekto sa mga kasalukuyang customer.
Ang Community Power ay magpapatuloy na ngayon sa paghahain ng susog sa plano ng pagpapatupad sa California Public Utilities Commission. Kung aatasan ito ng komisyon, maaaring simulan ng mga customer na tumanggap ng kuryente mula sa Community Power sa 2028.
Ngayong taon, ang Community Power ay nag-alok ng pinakamakumpetensyang mga rate sa kasaysayan nito, na may mga opsyon sa rate na nagbibigay ng hanggang sa 13% na diskwento kumpara sa karaniwang serbisyo ng SDG&E.
Ang Community Power ay nagsimulang magbigay ng serbisyo noong 2021 at isang pampublikong ahensya na hindi para sa tubo na nagbibigay ng abot-kayang malinis na enerhiya at namumuhunan sa komunidad upang lumikha ng patas at napapanatiling kinabukasan para sa rehiyon ng San Diego. Matuto pa sa SDCommunityPower.org.
